සමාජවාදය,ඒකාධිපතිවාදය හා නාසිවාදය සමග පොරබැදී ජනපති- ෆ්‍රැන්ක්ලින් රූස්වෙල්ට් Franklin Roosevelt(1882-1945)

1930 දශකයේදී අමෙරිකා එක්සත් ජනපදයට බලපෑ ප්‍රධාන ගැටළු දෙකක් විය.පළමුවැන්න 1929 දී ඇරඹි පරිහානිය වන අතර අනෙක පළමු ලෝක යුද්ධයෙන් පසු දිනාගත් "නොසන්සුන් සාමය" යි. එවක එක්සත් ජනපද ජනපති වූ හර්බට් හුවර් (Herbert Hoover) ට උක්ත ගැටළු විසඳුමට නුපුළුවන් විය.

1932 දී ඩිමෝක‍්‍රටික් පක්ෂය ජනාධිපතිවරණය සඳහා නම් කළේ ෆ්‍රැන්ක්ලින් ඩි.රූස්වෙල්ට් ව ය.එම මැතිවරණය සිහිකටයුතු ලෙස ජයගත් ඔහු;ගැටළු සමඟ පොර බදමින් අමෙරිකා එක්සත් ජනපදය අධිවේගයෙන් ලොව සුපිරි බලය කරා රැගෙන යාමට සමත් විය.

අමෙරිකා එක්සත් ජනපද ඉතිහාසයේ පිටපිට සිව් වතාවක්ම මැතිවරණ ජයගෙන ජනාධිපති පුටුවේ වාඩි වූ එකම පුද්ගලයා රූස්වෙල්ට් ය.ඔහු පිළිවෙලින් 1932,1936,1940 සහ 1944 ජනාධිපතිවරණ ජයගත්තේය.

රූස්වෙල්ට්,නිව් යෝර්ක් (New York) හි විශිෂ්ඨ පවුලකින් පැමිණියෙකු වූ අතර,1906 දී නොබෙල් සාම ත්‍යාගය දිනූ ඇමෙරිකන් ජනපතිවරයෙකු වූ තියඩෝර් රූස්වෙල්ට් (Theodore Roosevelt)ගේ නෑයෙක් ද විය.ඒ හේතුවෙන් රූස්වෙල්ට් පවුල නිව්යෝක් හි ඉහළ සමාජය තුළ ධනවත් හා පරසිඳු තැනෙක සිටියේය.ෆ්‍රැන්ක්ලින්, නිවසේදීම උගත් අතර පසුව ඔහු කොලොම්බියා සරසවිය (Colombia University)ට ඇතුලත්ව නීතිවේදියෙකු බවට පත්විය.ඔහු යම් දුරකට නීතිඥයෙක් ලෙස කටයුතු කළත්,ස්වභාවයෙන්ම ඇදීගියේ දේශපාලනය කරා ය.තමන් සේවය කළ නීති ආයතනයේ සගයින් සමඟ වරෙක ඔහු පවසා තිබුනේ තමන්ට උවමනා එක්සත් ජනපදයේ ජනාධිපති වීමට බවයි.

රූස්වෙල්ට් විශ්වාස කළේ පළමු ලෝක යුද්ධයෙන් ඇරඹි යුරෝපිය අර්බුදයෙන් මෙන්ම නාසි ජර්මනියේ අනතුර,අමෙරිකානුවන් විසින් අමතක නොකළ යුතු බවකි.

"පහුගිය අවුරුදු දෙකේ අත්දැකීම සැකයෙන් තොරවම ඔප්පු කරන්නේ කිසිම ජාතියකට,නාසීන් ව හුරතල් කරන්න බෑ කියලයි." 1940 දී ඔහු පැවසුවේය. "කිසිම මිනිහෙකුට බෑ කොටියෙකුව අතගාලා පූස් පැටියෙකුගේ තත්ත්වයට හිලෑ කරගන්න.ගිනි අවුළුවන බෝම්බයක් එක්ක කිසිම තර්කයක් තියෙන්න බෑ."

1941දෙසැම්බර් මස 7වැනිදා ජපනුන් පර්ල් වරාය (Perl Harbor)ට පහර දුන් අතර;එයින් පසු රූස්වෙල්ට්,ජපානයට එරෙහිව යුධ ප්‍රකාශ කෙළේය.මින් පසු රූස්වෙල්ට්,බ්‍රිතාන්‍ය අගමැති වින්ස්ටන් චර්චිල් (Winston Churchill)සමඟ සමීපව කටයුතු කරන්නට පටන් ගත්තේය.තම ජනපති ධුර කාල සීමාව තුළදී ඉතා ප්‍රසිද්ධ ප්‍රකාශයක් කළේය.

"We have nothing to fear except fear itself"

ජර්මනිය,ඉතාලිය,හා ජපානයේ බලයට පරාජය ගෙන දෙමින් දෙවැනි ලෝක යුද්ධය අවසානය කරා තීරණාත්මක කාරණය වුයේ;ස්ටාලින් හා චර්චිල් සමඟ රූස්වෙල්ට් ගොඩ නැගී සන්ධානයයි.යුද්ධයේ නිමාව ආසන්නයේදී අත්ලාන්තික් ප්‍රකාශ පත්‍රය (Atlantic Charter) යෝජනා කිරීමේදී උපකාරී සාධකය වුයේ රූස්වෙල්ට් ය.පසුවඑයඑක්සත් ජාතීන්ගේ ප්‍රධාන නිෂ්ඨාව (Corner Stone) බවට පත්විය.

යුරෝපිය අර්බුදය පමණක් නොව එක්සත් ජනපද ආර්ථිකයේ යෝධ කඩාවැටීමත් රූස්වෙල්ට් ට මහත් අභියෝගයක් විය.ඩොලරයේ අගය පහත හෙලීම සහ රැකියා වියුක්තිකයන් සඳහා ප්‍රතිලාභ පිහිටුවීමත් ඇතුලත්ව "නව ගනුදෙනු" (New Deals) නම් වූ අදහස් පෙළ කරළිය ට ගෙනාවේ රූස්වෙල්ට් ය.එකී අදහස්වල සාර්ථකත්වය ;මේ කරදරකාරී සමය අතරට උපකාරී වෙතැයි සිතූ බහුතර ඇමෙරිකානු දනා රූස්වෙල්ට් ට සහයෝගය පල කෙළේය.

රූස්වෙල්ට් ගේ බිරිය වූ Eleanorද සුප්‍රසිද්ධ සමාජ සේවිකාවක් වුවාය.යුවළ කරකාර බැන්දේ 1905දී ය.තවත් වැදගත් කරුණක් වන්නේ;ඔහුගේ ජිවිතයට  මහත් පිඩා ගෙන දුන් පෝලියෝ රෝගයෙන් 1921 සිට  විඳවන්නට ඔහුට සිදු වීමයි.කෙසේ වෙතත් ඉන් ඔහුගේ දිරිය සිඳුනේ වත්, දේශපාලනය කෙරේ වූ ඇල්ම අඩුවුණේ වත් නැත.

රූස්වෙල්ට් 1945 දී මියගිය අතර ඔහුගේ අනුප්‍රාප්තිකයා වුයේ එවක හිටපු උප ජනපති වූ හැරී ට්‍රුමන් (Harry Truman) ය.

හිත-වත

ෆ්‍රැන්ක්ලින් රූස්වෙල්ට් උද්යෝගිමත් මුද්දර එකතුකරන්නෙක් විය.බටහිර සැමෝවා හි මුද්දරයකට ඔහු පෙනී සිටියේ සිය මුද්දර එකතුවත් සමගිනි.මුද්දර එකතු කරන්නෙක්;මුද්දරයකට පෙනී සිටි අවස්ථාවකට එකම උදාහරණය මෙය මැ පමණකි.

වත-ගොත

උපත:1882 ජනවාරි මස 30 වැනිදා හයිඩ් පාක්,නිව් යෝක්

විපත:1945 අප්‍රේල් මස 12 වැනිදා (අවු.63)වෝම් ස්ප්‍රින්ග්,ජෝර්ජියා

උප්පැන්නේ නම:Franklin Delano Roosevelt

දේශපාලන පක්ෂය :ඩිමොක්‍රටික් පක්ෂය

සහකාරිය:Eleanor Roosevelt

දරුවන්: Anna, 

             Hals ted James  

             Franklin Delano(Jr.) I

             Elliot

             Franklin Delano(Jr.) II

             John Aspinwall

අජාන් චා හිමි - දෙවන කොටස

පළමු කොටසට මෙතැනින්...............

අජාන් චා හිමියන්ගේ දහම් හා භාවනා පුහුණුවේ නිකැළැල් එළැඹුම සහ උන්වහන්සේගේ සරල, සෘජු ඉගැන්වීම් ශෛලිය හේතුවෙන් විශාල අනුගාමික භික්ෂු හා අනාගාරික පිරිසක් ආකර්ෂණය වීමට පටන් ගති. මෙසේ අජාන් චා හිමියන් වටා විසල් ආරාමයක් ගොඩ නැගී අතර වඩවඩාත් භික්ෂුන්,මෙහෙණින් හා අනාගාරික ජනයා උන්වහන්සේගේ ඉගැන්වීම් අසන්නට පැමිණියහ. උන්වහන්සේ සමඟ ප්‍රායෝගික පුහුණුවට එළඹියහ.

කෙටි කාලයක් තුල අජාන් චා හිමියන්ගේ සරළ නමුත් ගම්භිර ඉගැන්වීම් ශෛලිය සඳහා විශේෂ ඉල්ලීමක් බටහිරයන් කෙරෙන් පළවූ අතර, උන්වහන්සේගේ අධ්‍යයනය හා පුහුණුව සඳහා බොහෝ දනා පැමිණිය හ.

1966 දී පළමු බටහිරයා වූ පුජ්‍ය සුමේධ හිමියෝ;Wat Nong Pah Pong වෙත පැමිණ ලැගුම්ගත් හ.අලුත පැවිදි වූ සුමේධ හිමියෝ සිය පළමු වස් විසීම Laotian සීමාව අසබඩ අරමක ගැඹුරු භාවනාවෙහි නියුක්තව ගෙවා දැමුහ. තම උත්සාහයේ යම් ඵලයක් දුටද, ආරාමික ජිවිතයේ සියලු කාරනා පුහුණු කරවීමේ සමත් ගුරුවරයෙක් තමන්ට උවමනා බව සුමේධ හිමියෝ තේරුම් ගත්හ.වාසනාවකට අජාන් චා හිමියන්ගේ භික්ෂු පිරිසගෙන් ඉංග්‍රීසි බස උසුරුවීමට දත් එක් හිමි නමක් සුමේධ හිමියන් අරමෙහි වැඩ සිටිද්දී ආරාමයට පිවිසියේය. අජාන් චා හිමියන් ගැන දැනගත් විගස, තම ගුරුවරයාගෙන් නික්මෙන්නට අවසර පතා නැවත පැමිණ උඩ කි හිමිනම සමඟ Wat Nong Pah Pong වෙත වැඩියේය.

අජාන් චා හිමියන්, අලුත් සිසුවා ලෙන්ගතුව පිළිගත් නමුත් බටහිරයෙක් වූ පමණින් ඔහුට විශේෂ දීමනාවන් ලබා නුදුන්නේය.  Wat Nong Pah Pong හි අනෙක් හැම භික්ෂුවක් සිදුකරන ලෙසම පුහුණුවේද,සාමාන්‍ය සරල දාන වේලකින් යපෙන්නටද,සුමේධ හිමියන්ට සිදු විය.

පුහුණුව;මුළුමනින්ම රළු හා එපා කරවන සුළු වුයේය.අජාන් චා හිමියන් තම භික්ෂුන් තම සීමාවන් දෙසටම නිතරම තල්ලු කරන ලද්දේ,සන්සුන්ව දරා සිටීම හා අධිෂ්ඨානය ගොඩනංවා ගැනීමට හැකිවන පරිදි ඔවුනගේ ඉවසීමේ හැකියාව උරගා බැලීම සඳහා ය.ඔවුනගේ ශාන්ත බවට,අනුයුක්ත වීම (ඇලීම) වලක්වාලීම උදෙසා ධිර්ඝ හා බැලු බැල්මට අරමුණක් නැති වැඩ ව්‍යාපෘති සඳහා මුල පිරුහ.අවධාරණය නිතරම යටත් වුයේ සහ ඉමහත් වෙහෙස දැරූයේ දැඩි ස්ථිර “විනය” ප්‍රතිපදාව උදෙසාය.

අජාන් චා හිමියන් වෙත පැමිණි විදේශිකයන් ගණන ක්‍රමයෙන් වැඩිවී තිබිණ.මේ වන විට සුමේධ හිමියන් වස පහක භික්ෂු ජිවිතයක් ගෙවා තුබූ අතර උන්වහන්සේ ;ඉගැන්වීම සඳහා ප්‍රමාණවත් ලෙස නිපුණ බව අජාන් චා හිමියෝ තීරණය කළහ.මෙසේ පැමිණි නව භික්ෂුහු ද, මෙහි නැවතී පුහුණුවන්නට තීරණය කොට තිබුණා හ.

1977 ග්‍රීෂ්ම සෘතුවේදී,පුජ්‍ය සුමේධ හිමියන් හා අතලොස්සක් වූ බටහිර භික්ෂුන් පිරිසක් Wat Nong Pah Pong වලට නුදුරු වනයෙක යම් කාල සීමාවක් ගෙවා දමද්දී..ගම්වැසියන් පිරිසක් විසින් එහි නවතින්නට ඇරයුම් කෙරිණි.අජාන් චා හිමියෝ ඊට කැමැත්ත පළ කළහ. The Wat Pah Nanachat (ජාත්‍යන්තර වනගත ආශ්‍රමය)ඉංග්‍රීසි බස වහරන භික්ෂුන් විසින් ඉංග්‍රීසි වහරන භික්ෂුන් උදෙසා තායිලන්තයේ දී ආරම්භ වූ අතර, එහි පළමු ආශ්‍රමාධිපති  වුයේ සුමේධ හිමියන්ය.

1977 දී ස්වදේශික බෞද්ධ සංඝාවාසයක් බිහිකිරීමේ අරමුණ ඇති පුණ්‍යායතනයක් වූ එංගලන්ත සංඝ භාරකාර මණ්ඩලය  (English Sangha Trust) මගින් අජාන් චා හා අජාන් සුමේධ හිමිවරුන්ට ආරාධනාවක් ලැබිණි.එහි ඇති වැදගත්කම දුටු අජාන් චා හිමියෝ, අජාන් සුමේධ හිමියන් ඇතුළු තම බටහිර සිසුන් දෙදෙනෙකු ලන්ඩනයේ (London) Hampstead විහාරයේ නැවතුහ. භික්ෂුන් ලන්ඩනයෙන් Sussex හි Chithurst  බෞද්ධ ආරාමය ඇරඹීමට යද්දී 1979 දී උන්වහන්සේ නැවත බ්‍රිතාන්‍යයට වැඩම කළහ. ඉන්පසු ඇමෙරිකාවට හා කැනඩාවට වැඩියේ සංචාරය කරමින් දහම ඉගැන්වීමට ය.

1980 දී අතිපුජ්‍ය අජාන් චා හිමියන්ට,වසර කිහිපයක සිට නිරතුරුව පිඩා විඳි කරකැවිලි ගතිය හා මතකය අඩුවීම වඩාත් තදින් දැනෙන්නට විය.1980 හා 1981 කාලසීමාවේදී දියවැඩියා රෝගයේ දුබල කරවන බලපෑම හමුවේ උන්වහන්සේගේ සෞඛ්‍යය පිරිහෙමින් යද්දී Wat Nong Pah Pong වලින් ඈත්ව වස්විසිම සිදු කළේය.උන්වහන්සේගේ අසනීප ගතිය උග්‍ර වෙද්දී තම ශරීරය තම ඉගැන්වීම සඳහා භාවිතාකල අජාන් චා හිමියෝ ,සියලු දෙයෙහි අනියත බව ජීවමාන උදාහරණයක්‌ ලෙස තම සිරුර පෙන්වා දුන් හ.

තමන් වහන්සේට තව දිගු කලක ඉගැන්වීමෙහි යෙදෙන්නට නොවන බව දත් අජාන් චා හිමියෝ නිරතුරුවම මිනිසුනට මතක් කර දුන්නේ තමන් තුලින්ම සැබෑ රැකවරණයක් සොයාගන්නට තදබල උත්සාහයක් ගන්නා ලෙසය.1981 දී සැත්කමකට බඳුන් කල ද,එය අසාර්ථක වූ තැන උන්වහන්සේ සම්පුර්ණයෙන් ගිලන් වූ අතර,කතාකිරීමට පවා නොහැකි විය.මෙය උන්වහන්සේගේ ආරාමයෙහි පුහුණුවට පැමිණෙන භික්ෂු හා අනාගාරික  පිරිස අඩුකරන්නට සමත් නොවුයේ, අජාන් චා හිමියන්ගේ ඉගැන්වීම් ස්ථාවර මග පෙන්වීමක් හා අනුප්‍රාණයක් වූ බැවිනි.

ගිලන්ව , නිහඬව  පුදුමාකාර වසර දහයක කාලයක් තම සිසුන් වෙතින් උපස්ථාන ලද අජාන් චා හිමියෝ 1992 ජනවාරි මස 16 වැනි දා අපවත් වන්නේ වසර 74 ක් ආයු වළඳා ය.තායිලන්තයේ, එංගලන්තයේ, ස්විට්සර්ලන්තයේ, ඉතාලියේ, ප්‍රංශයේ, ඕස්ට්‍රේලියාවේ, නවසීලන්තයේ, කැනඩාවේ සහ අමෙරිකා එක්සත් ජනපදයේ ව්‍යාප්තව මේ ශ්‍රේෂ්ඨ භාවනා ගුරුතුමන් යටතේ බුද්ධ ඉගැන්වීම් පුහුණු වූ සුවහසක් සිසු පිරිස හැර දාය.

1992 අජාන් චා හිමියන් අපවත් වුව ද, උන්වහන්සේ ස්ථාපනය කළ පුහුණුව  Wat Nong Pah Pong හි අදත් ක්‍රියාත්මක වන අතර,එහි ශාඛාවන් 200 කට අධික ප්‍රමාණයක් තායිලන්තය තුල ක්‍රියාත්මක වේ.මෙහි..දැහැමි බව, භාවනාව, හා තේරුම්ගැනීම දක්ෂ ලෙස හා නිරතුරුවම වගා කෙරෙන, භේද නැති ලෙස ද, විධිමත්ව ද,හැසිරවෙන ප්‍රජාවක් තුළ කෙනෙකුට සරළ සහ අපිස් ජිවිතය මෙහෙයවන්නට ලැබේ.දැඩි විනයකින් යුතු වේ.සාමාන්‍යයෙන් කණ්ඩායම් භාවනා දවසට දෙවරක්  පැවැත්වෙන  අතර, ඇතැම් විට  දෙටු ගුරුවරයෙකුගේ දේශණයක් ද, පැවැත්වේ.නමුත් භාවනාවේ හදවත; ජිවිතයේ මාර්ගය යි.

භාවනානුයෝගී සියළු වැඩ සියතින් සිදු කර ගනිති. ස්වකීය කැමැත්තෙන්ම ආරාම ගොඩනැගිලි හා පිටිය නිසි ලෙස හසුරුවති. ඔවුහු අතිශය සරළ ජිවිතයක් ගෙවන්නේ තවුස් සංඥානනය ඔස්සේ දිනකට වරක් පාත්‍රයෙන් අහර ගනිමින්;අවශ්‍යතා සහ සිවුරු සීමා කර ගනිමින් ය.වනය පුරා විසිර පවත්නේ, තනි මඩු භික්ෂුන් හා මෙහෙණින් හුදෙකළාව දිවි ගෙවීම, බවුන් වැඩිම සඳහා වන අතර, එහි ඔවුන් සක්මන් භාවනාවේ යෙදෙන පැහැදිලි මං ගස් යට පිහිටා තිබේ.

ප්‍රඥාව ජිවිත පැවැත්මයි. වත්මනෙහි දහම පුහුණුවීම සහ ඉගෙනුම සඳහා සරළ ආරාමික ජිවිත සිරිත රකින්නට ප්‍රයත්න දැරුවෝ අජාන් චා හිමියෝ ය. අජාන් චා හිමියන්ගේ අරුම පුදුම සරළ ඉගැන්වීම් ශෛලිය වරදවන සුළු ලෙස පෙනී යා හැක. නිරන්තරයෙන්ම අප යමක කිහිප විටක් ඇසි විට එක්වරම අපේ මනස වැඩේ. කෙසේ වෙතත් මේ ඉගැන්වීම් ඉමහත් ගැඹුරක් පෙන්වයි. උන්වහන්සේගේ විස්තරාත්මක දහම් පහදා දීම් කාලයට,තැනට,හා ශ්‍රාවකයාගේ සංවේදීභාවයට හා තේරුම්ගැනීමට ගැලපෙන අයුරු බලා සිටීම විස්මය ජනක ය.සමහර විටෙක,පුවත්පතෙක වුව; වාර්තාවක විසංවාදී බවක් පාඨකයා තුළ ඇතිවනු ඇත.එවැනි අවස්ථාවක මේ වචන ජිවිත අත්දැකිමක වාර්තාකරණයක් බව පාඨකයා දනී. එලෙසම අජාන් චා හිමියන්ගේ දේශනා ඇතැම්විට විසංවාදී,සම්ප්‍රදායයෙන් පිට බවක් පෙන්වයි නම්; මතක තබා ගත යුතු කාරණාව වන්නේ, අතිපුජ්‍ය අජාන් චා හිමියන් නිරන්තරයෙන් තම හදවතින් කතා කළ බවත්, උන්වහන්සේගේ භාවනා අත්දැකීමේ ගැඹුරින් මේ වචන කතා කළ බවත් ය. 

අජාන් චා හිමි - පළමු කොටස

අතිපුජ්‍ය අජාන් චා හිමියන් 1918 ජුනි මස 18 වෙනිදා තායිලන්තයේ Ubon Rachathani  නම් පළාතේ පිටිසර බද ග්‍රාමයක උපත ලැබුහ. එතුමන් තම දිවියේ පළමු භාගය ගත කළේ පිටිසර තායිලන්තයේ හැම දරුවෙක් මෙන්ම, සිරිත් ප්‍රකාර ගම පෙදෙසේ පැවිදි අරමේ වසර තුනක කාලයක් සාමණේර පැවිද්ද ලබා ගනිමිනි. එහිදී හිමියෝ, ලියන්නට කියවන්නට ද, මුලික බුද්ධ ඉගැන්වීම් ද පුහුණු කළහ.මින් පසු නැවත ගිහි දිවියට බට අජාන් චා හිමියෝ තම දෙමාපියන්ට උදව් කිරීමේ සිතුමෙන් බැසගත් ගිහි දිවියට සමු දුන්නේ, අරම්ගත දිවියට ඇති ඇලුම නිසාවෙනි. 1939 අගෝස්තු මස 26 වෙනිදා තම දිවියෙහි විසි වෙනි විය එළඹෙද්දී එතුමෝ නැවතත් ආරාමගත ජිවිතයට පිවිසුණි.

තම පැවිදි දිවියේ මුල් වසර කිහිපය මුලික දහම,පාලි බස,හා දහම් පොත් අතර ගෙවා දැමෙද්දී තම පියාගේ වියෝවින් කම්පිතව ජිවිතයේ යථාවබෝධය වෙනුවෙන් සිත මෙහෙයවන්නට උන්වහන්සේ යොමු විය.උගත් පාලි බසෙහි විශාරදත්වයට පැමිණි තිබුන ද, ජිවිතයේ සැබෑ අරමුණ ගැන ගැඹුරින් සිතන්නට ඉන් පෙළඹුණු උන්වහන්සේ දුක කෙළවර කිරීමේ පෞද්ගලික අවබෝධයක ආසන්නයටම පැමිණ ඇති වගක් පෙනෙන්නට තිබිණ.මුලාවෙන් මිදීම ගැන හැඟුම් පළ කෙරිණ..බුදු රදුන්ගේ ඉගැන්වීම් හි සැබෑ සාරය සෙවීමේ කැමැත්තක් පැන නැගිණ.

අවසන දී (1946)සිය අධ්‍යාපන කටයුතු නවතා දමා පිණ්ඩපාත චාරිකාවේ වඩින්නට උන්වහන්සේ මඟට පිළිපන් සේක.මධ්‍යම තායිලන්තයේ කිලෝමීටර 400 ක පමණ දුරක පයින්ම වැඩම කළහ. වනයෙහි සැතපුණ හ. එමග ගමින් ගම ලත් දානයෙන් සැනසුණ හ.”ආරාමගත විනය” (Monastic Discipline) ඉතා අවධානයෙන් අධ්‍යයනය කරමින්, පුහුණුවේ යෙදෙමින් ආරාමයක නවාතැන් ගත් අජාන් චා හිමියන්ට, අති පුජනිය බවුන් ගුරුවරයෙකු වු අජාන් මුන් භුරිදත්ත ( Rev.Ajan Mun Buridatto) හිමියන් පිළිබඳ අසන්නට ලැබිණි.එවන් නිපුණ ගුරුවරයෙකු සොයමින් පා ගමනින් ඉදිරියට උන්වහන්සේ වෙනත් ආරාම කරා වැඩම කළහ.මේ සියවසෙහි අනගිතම තායි වනගත බවුන් ගුරුවරයා වූ අතිපුජ්‍ය අජාන් මුන් හිමිපාණන් සමඟ කෙටි නමුත් ඉතා අවබෝධාත්මක කාල පරාසයක් ගෙවා දැමු එහිමියෝ එහිදී “ආරාමගත විනය” පිළිබඳ අති සවිස්තරාත්මකව උගත් හ.

මේ අවදිය වන විට ඉතා බැරෑරුම් ප්‍රශ්නකාරී ගැටුමකට මැදිව සිටි උන්වහන්සේ අකුරින් විගස ඉදිරිපත් කල හැකි ලෙස ද, වචනයෙන් විස්තර කල හැකි ලෙසද, සුචරිතය (ශිලය), භාවනාව, සහ සමාධිය පිළිබඳ ඉගැන්වීම් උගෙන තුබුන ද , ඒවා ප්‍රායෝගිකව ක්‍රියාවට නගන්නේ කෙසේ දැයි නොදත්හ.
මේ ඉගැන්වීම් අතිශය පෘථුල වුව ද,හදවත ඉතාම සරළ විය යුතු බව අජාන් මුන් හිමියන්ගේ අදහස විය.”සතිය”(සිහිය) පවත්වාගෙන යාම සමඟ සියළු දේ සිතින් පැනනගින බව දකිද්දී පුහුණුවේ නිවැරදි මඟ පෙනේ.මේ සංක්ෂිප්ත හා සෘජු ඉගැන්වීම්,අජාන් චා හිමියන්ට පිවිසුම් විවරයක් (a Revelation) විය. උන්වහන්සේගේ එළැඹීම, පුහුණුව ට පරිණාමය විය.මඟ හෙළි විය.

ඊළඟ සත්වස තුළ දී අජාන් චා හිමියෝ  තාපස වෘතයට පිවිස වනගත අපිස් (Austere) දිවියකට බට හ. තම කාලය වනයේ හි, ගල්ගුහාවන් හි,සොහොන් පිටි වල සහ භාවනා පුහුණුව ඔප් නංවා ගැනීමට උචිත තැන්වල ගෙවා දැමු හ.බවුන් පුහුණුවට ගැලපෙන නිස්කලංක තැන් සොය සොයා දනව් පුරා නිදහසේ සැරිසැරූ හ.ජිවිතයේ සැබෑ අරුත සඳහා මරණයේ පිළිඹිබුව විනිවිද යමින් කොටි වලසුන් හා සපුන් ගහන වනයේ කල් ගෙවූ හ.විටෙක මරණ බිය අභියෝගයට ලක්කොට,එයින් නික්මීම උදෙසා සොහොන් පිටියක බවුන් වැඩුම සිදු කළහ.වැහි කුනාටු අබිමුව ශීතලව,තෙතබරිතව වැඩ හිඳිම නිසා නිවෙසක් නැති,භික්ෂුවකගේ හුදෙකලාව ද, පරිපුර්ණ තනිකම ද විඳ  ගත්හ.

දිගු කාලයක් චාරිකාවේ,පුහුණුවේ යෙදෙමින් වැඩි උන්වහන්සේට තම උපන් ගම අසළ වන වදුලක ලැගුම් ගන්නට ඇරැයුම් ලැබිණ.විසිය නොහැකි,සර්පයන් කොටි වලසුන් හා අමනුස්ස බලවේග වලින් ගහන මේ වනය; එතුමෝ පැවසු ලෙසට; වනගත භික්ෂුවක් සඳහා ඉතා සතුටුදායක පිහිටීමක් විය.

දෙවැනි කොටසට...........

ශ්‍රීමත් වින්ස්ටන් චර්චිල් (1874-1965) මහා බ්‍රිතාන්‍යයේ යුද නායකයා

Sir Winston Churchill (1874-1965)

"The War Time Leader of Great Britain"

"ඇඩොල්ෆ් හිට්ලරයන්ගේ (Adolf Hitler) මඟ පෙන්වීම යටතේ ලොව පාලක බලය තුල ජර්මනිය තිරිහන් වෙන බැව් දෙවැනි ලෝක යුද්ධය දුටුවේය.යුදයේ ඇරඹුම් තන්හි ජර්මනිය කෙරේ ප්‍රතිරෝධය දැක්වීමේ පුර්ණ තනි ව්‍යායාමය දරන්නට සිදුවුයේ මහා බ්‍රිතාන්‍යය ට ය.

ජර්මනියට එරෙහි සටන් ප්‍රයත්නය සියතට ගත් බ්‍රිතාන්‍ය දේශපාලනඥයා වුයේ..එවක බ්‍රිතාන්‍ය යුද පාලනාධිකාරියා වූ සර් වින්ස්ටන් චර්චිල් ය."

සර් වින්ස්ටන් චර්චිල්, මහා බ්‍රිතාන්‍යයෙන් බිහි වූ ශ්‍රේෂ්ඨතම අගමැතිවරුන් ගෙන් කෙනෙකි.ඉතා බල සම්පන්න පවුලකින් පැවැත ආ ඔහු, ප්‍රභාමත් කථිකයෙකු,ලේඛකයෙකු ඉතිහාසඥයෙකු හා චිත්‍ර ශිල්පියෙකුද විය.

දේශපාලකයෙකු කලාතුරකින් ළඟා කරගන්නා ජයග්‍රහණයක්‌ වූ නොබෙල් ත්‍යාගය "සාහිත්‍යය" සඳහා ඔහු දිනා ගත්තේ 1953 දී ය.

"I have nothing to offer but blood,toil,tears and sweat among others"

ලේ ,කඳුළු,ශ්‍රමය, හා දහදිය හැරෙන්නට අන්‍යයන්ට පිරිනමන්නට දෙයක් මා සතුව නැත.යන ජනකාන්ත කියමන ඔහු ගේ ය.

ලෝක යුද්ධය අතරතුර ජර්මනියට විරෝධය පාන්නට බ්‍රිතාන්‍ය ජනතාව පුබුදු කළ ,ඔවුනගේ හැඟුම් අවදි කළ අති දක්ෂ කථිකයා ඔහු විය.යුරෝපා ජාතීන්ගේ දේශපාලන අධිකාරිය තුල නැගෙනහිර හා බටහිර යුරෝපයේ වෙන්වීම ඇඟවූ "Iron Curtain"යන වදනේ නිර්මාණකරු ඔහු ය.

සර් වින්ස්ටන් ලෙනාඩ් ස්පෙන්සර් චර්චිල් (Sir Winston Leonard Spencer Churchill) උපත ලැබුයේ 1874 නොවැම්බර් මස 30 වැනිදා Blenheim Castle හි දිය.ඔහුගේ පියා වුයේ රැඩොල්ෆ් චර්චිල් සාමිවරයා ය.(Lord Randolph Churchill) මව අමෙරිකානු ජෙනී ජෙරොම් ය. (Jennie Jerome) ය.

1888 දී Harrow පාසල ට ඇතුල් වුවද ඉනික්බිති උසස් පාසලක ඉගෙනුම් නොකළ චර්චිල්  පසුව රාජකීය යුද හමුදා පාසලෙන් උපාධිය සපුරා ගත්තේ ය.

ඉන්පසු ඔහු කියුබාවේදී ස්පාඥඥ හමුදා සමඟ යුද හමුදා සෙබළෙක් ලෙස කටයුතු කළේය.1897 දී ඉන්දියන් හමුදාවේ Malakand  ගවේෂණ චාරිකාවට ඔහු සම්බන්ධ විය.එමෙන්ම 1899 දී දකුණු අප්‍රිකාව ට ගිය චර්චිල් London Morning Post පුවත්පතේ යුද පුවත් වාර්තාකරු වුයේ Boer (ලන්දේසින්ගෙන් පැවතෙන දකුණු අප්‍රිකාණු වන්)යුද්ධයේ දි ය.අත් අඩංගුවට පත් හෙතෙම Pretoria හි සිරගත කෙරුණු අතර ඉන් මිදී පලායාමට ඔහු කළ වික්‍රමය නිසා ලෝක ප්‍රසිද්ධියට පත් වුයේය.

1901 ජනවාරි මස 23 වැනිදා Conservative පක්ෂය යටතේ Old-ham (Lancashire) හි පාර්ලිමේන්තු වට පත්වන චර්චිල් ; 1908 සිට 1910 දක්වා වෙළෙඳ මණ්ඩලයේ සභාපති ලෙසත්, 1910 සිට 1911 දක්වා බ්‍රිතාන්‍ය අභ්‍යන්තර ලේකම් ලෙසත් පත් විය.දෙවැනි ලෝක යුද ව්‍යවසන කාලයේදී ඔහු බ්‍රිතාන්‍යයේ ප්‍රථම හමුදා අධිකාරී බවට පත්වන්නේ 1911 සිට 1915 අතර දිය.එමෙන්ම Breaverbrooker සාමිවරයා සහ චර්චිල් ලෝක යුද සමයයන් දෙකෙහිදීම එක්සත් රාජධානි කැබිනට් මණ්ඩලයෙහි සාමාජිකයන් ව සිටීම විශේෂ සිද්ධියකි.

1940 මැයි මස 10 වැනි දින මහා බ්‍රිතාන්‍යයේ අග්‍රාමාත්‍ය ධුරයට හා ආරක්ෂක අමාත්‍ය ධුරයට පත්වන වින්ස්ටන් චර්චිල් ජර්මනියට එරෙහි බ්‍රිතාන්‍ය යුද්ධයේ මූලිකයා (Spearhead - හෙළිතුඩ) බවට පත්වන්නේය.ඔහු නැවතත් 1951 දී අගමැති තනතුරට පත්වන නමුත් 1955 දී ඉන් ඉල්ලා අස්විය.කෙසේ වෙතත්, නැවත පත්වීමක් අපේක්ෂා නොකළ චර්චිල් ට 1964 මහා මැතිවරණය තෙක් අගමැති ධුරයේ රැඳී සිටින්නට සිදුවිය.

චර්චිල් ගේ සාහිත්‍යය වෘත්තීය ඇරැඹුණේ යුද මෙහෙයුම් වාර්තාකරණයන් වූ, 'The Story of the Malakand Field Force (1898) සහ The River War යන ලේඛණ සමඟ ය.ඉතිහාසයේ පසුකාලින ප්‍රබෝධය ගැන අපුර්ව බලාපොරොත්තු පලකළ Savrola නම් වූ ඔහුගේ එකම නවකතාව ප්‍රකාශයට පත් කෙළේ 1910 දී ය.පසුව තම පියා වූ Randolph Churchill ගේ සහ තම ශ්‍රේෂ්ඨ මුතුන් මිත්තෙකු වූ Marlborough හි ආදිපාදවරයා ගේ චරිතාපදාන ලියා පළකෙළේය.

චර්චිල් ගේ 'History of the first World War" (පළමු ලෝක යුදයෙහි ඉතිහාසය) වෙළුම් හතර(4)කින් යුතු වූ අතර, 'The World Crisis' නමින් පළවුයේ 1923-1929 කාලයේ දී ය.එලෙසම දෙවැනි ලෝක යුද්ධය ගැන ඔහුගේ මතකය වෙළුම් හය(6)කට දිව ගියේය.(1948-1954).පසුව ඔහු 'History of the English Speaking People'(ඉංග්‍රීසි බස වහරන මිනිසුන්ගේ ඉතිහාසය 1956-1958) ලිව්වේය.ඔහුගේ අසම සම කථා 'The Unrelenting Struggle' (අනුකම්පා රහිත සටන - 1942) , 'The Dawn of Liberation' (විමුක්තියේ අරුණෝදය - 1945) සහ 'Victory' (විජයග්‍රහණය - 1946) යන කෘතීන් හි වාර්තා වී ඇත.

1908 දී Clementine Hozier සමඟ විවාහ වූ චර්චිල්ට එක්(1) පුතෙක් සහ දුවරු සතර(4)දෙනෙක් විය.Clementine සමඟ ආලෙන් වෙලීම හා ඈ හා විවාහ වීම තම දිවියේ ලද විශිෂ්ඨ ජයග්‍රහණයන් ගෙන් එකක් බව  චර්චිල් වරෙක  පැවසුවේය.

1963 අප්‍රියෙල් මස 09 වැනිදා අමෙරිකානු කොංග්‍රසයේ  විශේෂ පනතක් මගින් පෙර නොවූ විරු ගෞරවයක් චර්චිල්ට හිමිවිණ.ඒ ජනපති කෙනඩි වෙතින් අමෙරිකාවේ ගරු පුරවැසි බව ලැබීම යි.

හිත-වත

චර්චිල් සමග වාද කරගත් අයද පාර්ලිමේන්තුවේ සිටියා.වෙසෙසින්ම Nancy Astor ආර්යාව ; පළමු බ්‍රිතාන්‍ය පාර්ලිමේන්තු සාමාජිකාවන්ගෙන් කෙනෙක්.

මේ ඇය හා චර්චිල් අතර ඇතිවූ සංවාද කිහිපයක්.

Lady Astor : "You are not handsome enough to have such fears."

(එච්චර බයවෙන්ඩ තරම් කඩවසම් කමක් ඔබේ නෑ...)

Sir Churchill : "Having a women in parliament was like having one intrude on me in the bathroom"

(පාර්ලිමේන්තුවේ කාන්තාවක් ඉන්නවා කියන්නේ මම බාත් රූම් එකේ ඉන්නකොට කෙනෙක් බලහත්කාරෙන් ඇතුළු උනා හා සමානයි....)

තවත් වෙලාවක අස්ටර් ආර්යාව ඇඳුම් එල්ලන බෝල කුඩුවක් චර්චිල්ට දුන්න.

Churchill: "What disguise you would recommend for me?"

(ඔබ මට මොනවගේ වෙස්වලා ගැනීමක් ද අනුමත කරන්නේ?)

Lady Astor:Why don't you come sober, Prime Minister?

(ඇයි ඔයාට බැරි නොබී එන්න ,අගමැති තුමනි?)

මේ තවත් කතා දෙකක්.

(1.) Lady Astor: "If you were my husband, I'd poison your tea."

(ඔයා මගේ සැමියා උනා නම් ඔයාගේ තේ එකට වහ දාන්න වෙනවා )

Churchill: "Madam, If you were my wife, I'd drink it."

(නෝනේ, ඔයා මගේ බිරිඳ උනා නම්, මට ඒ තේ එක බොන්න වෙනවා)



(2.) Lady Astor: "Mr.Churchill, you are drunk."

(චර්චිල් මහත්තයෝ..ඔයා බිලා....)

Churchill:"Yes, and you Madam, are ugly but tomorrow I shall be sober and you will still be ugly."

(ඔව්..ඒ වගේම නෝනේ....ඔයා වස කැතයි.හෙට මට නොබී ඉන්න පුළුවන්...එතකොටත් ඉතිං ඔයා කැතයි........)


ජිවන තතු 

(1.)සම්පුර්ණ නම :Sir Winston Spencer Leonard Churchill
(2.)උපත: 1874 නොවැම්බර් 30 Blenheim, Oxford-shire, England
(3.)විපත: 1965 ජනවාරි 24 (වයස අවුරුදු.90) Hyde Park, London,England
(4.)ජාතිකත්වය: බ්‍රිතාන්‍ය
(5.)දේශපාලන පක්ෂය : Conservative (1900-1904) (1924-1964), Liberal (1904-1924)
(6.)බිරිඳ:Clementine Churchill
(7.)දරුවන්:Diana,Randolph,Sarah,Marigold,Mary
(8.)නිවස:Chartwell
(9.)වෘත්තීය:පාර්ලිමේන්තු සාමාජික/සෙබළ/ලේඛක/ඉතිහාසඥ
(10.)ආගම:ඇන්ග්ලිකන් (Anglican)

චර්චිල් ගේ පරසිඳු කියමන්

1."A pessimist sees the difficulty in every opportunity, an optimist sees the opportunity in every difficulty."

අසුබවාදියා හැම අවස්ථාවක් තුලම වන අපහසුතාවය දකියි.සුබවාදියා හැම අපහසුතාවක් තුලම ඇති අවස්තාව දකියි.

2."Courage is going from failure to failure without losing enthusiasm."

දිරිය අසමත්කමෙන් අසමත්කමට නොසැලී ගමන්කරයි උද්යෝගයෙන්.

3."Courage is what it takes to stand up and speak: Courage is also what it takes to sit down and listen."

දිරිය ; සිටගෙන කතා කරද්දී මෙන්ම හිඳ සවන් දීමට ද 

________________THE END_______________
~~~~~~~~~~~~~~~~~~~නිමි~~~~~~~~~~~~~~~~~





  

ලින්කන් කියපු දෙයක්

ඒබ්‍රහම් ලින්කන් විසින් කියන ලද මේ කියමන මනුස්ස වර්ගයා ගේ වැදගත්කම පිණිස නැවත ලියා දක්වමි.

"සෞභාග්‍යය ලඟා කරගත හැක්කේ අරපරෙස්සම අධෛර්යයමත් කිරීමෙන් නොවේ.ශක්තිවන්තයා දුර්වල කිරීමෙන් දුර්වලයා ශක්තිමත් කිරීමක් කළ නොහේ.වැටුප් ගෙවන්නා(ස්වාමියා) ඇද වට්ටවා වැටුප් ලබන්නාට (සේවකයා) උපකාර කළ නොහැකිය.

පන්ති වෛරයට අනුබල දීමෙන්, ඔබට මනුස්සයෙකුගේ සහෝදරත්වයට ආධාර කළ නොහැකිය.පොහොසතෙක් වනසා දුප්පතෙකුට ලැබෙන උපකාරයක්‌ නැත.ඔබ උපයන පමණට වඩා විය පැහැදම් කිරීමෙන් ඔබට කරදර වලින් ගැලවී ගත නොහැක.

මිනිසෙකුගේ මුලාභිප්‍රාය හා ස්වාධිනත්වය ඉවත් කොට ඔහුගේ චරිත සංවර්ධනය හා ධෛර්යය ගොඩ නැගීමට නොහැකිය.ඔහු;  ඔහු වෙනුවෙන් කරගත යුතු දේ හා ඔහුට ඔහු වෙනුවෙන් කරගත හැකිදේ කරන්නට නොදී ,ඔබ ඒවා කරන්නට යාමෙන් මිනිසාට කෙදිනක හෝ ඔබට උපකාර කළ නොහැකිය."

ලින්කන් ගේ ලියුම

මේ ලියමන ඉතාම චිර ප්‍රසිද්ධියට පත් ලිපියක්.නොකියවූ අයගේ කියවීම සහ ඇගයීම වෙනුවෙනුත්,කියවූ අයට නැවත කියවීම හා වෙනස් කියවීමක් උදෙසාත් එකී ලිපිය මෙසේ සිංහලට නැගුවෙමි.

ම'පුතු අකුරට යන  මුල්ම දිනය අදයි.එය ඔහුට මොහොතකට අමුතු සහ අළුත් ම දෙයක් වේවි.ඔබ ඔහුට කාරුණිකව සළකනු ඇතැයි මා බලාපොරොත්තු වෙනවා.එය විශ්වය පුරා ඔහු ගෙන යන පෙර නොවූ විරූ අත්දැකීමක් ද වනු ඇති.නිසැකවම යුද්ධ,ශෝකාන්ත නාට්‍ය,කනස්සල්ලෙන් පිරි චාරිකාවක් වේවි.මේ ජීවිතය ජිවත් කරවන්නට විශ්වාසය,ආදරය, සහ දිරිය අවශ්‍ය වේවි.

ඉදින්..දයාබර ගුරුතුමනි,

ඔහුගේ අතින් අල්ලාගන්න.ඔහු දැනගතයුතු හැම දේ ඔහුට උගන්වන්න,ඔබට හැකි ලෙස කරුණාවෙන්..

හැම සතුරෙකු තුළ ම මිතුරෙක් ද සිටින බව ඔහුට කියා දෙන්න.ඔහු දැනගත යුතුයි, මිනිසුන් හුදෙක් සැබෑම මිනිසුන් නොවන වග.සෑම දුදනෙක් තුළම විරුවෙක් ද සිටින බව;හැම සටකපට දේශපාලකයෙකු තුළම ශුර නායකයෙකු සිටින වග.

ඩොලරයක් කොහෙන් හෝ හමුවුවාට වඩා තමන් විසින්ම ඉපයූ සත දහය ඉතා වටිනා බවත්;පාසලේ දී අසමත් වීම,වංචාවට වඩා ඉතා ගෞරවනීය බවත් වටිනා බව ඔහුට උගන්වන්න.ගෞරවනීය ලෙස පරදින අයුරු..දිනු දින දිනුම තුටින් සමරන'යුරු ඔහුට උගන්වන්න.

ඔබට හැකිනම් ඔහුට  උගන්වන්න; මිනිසුනට කරුණාවන්ත වන්නට.තද මිනිසුන්ට තදින් සලකන්න.කුහකත්වයෙන් ඉවතට ඔහු රැගෙන යන්න සිනහමුසු මුහුණින්.

දුකේදී හිනැහෙන්නත්,කඳුළක් හෙලුමට ලජ්ජා නොවන්නටත්,ඔහුට උගන්වන්න.

උත්කර්ෂයක්,මහිමයක් වැරදීමක දොසක වුව තිබිය හැකි බවත්;සාර්ථකත්වය තුළ සැඟවුන අවාසනාවක් තිබිය හැකි බවත් ඔහුට උගන්වන්න.

නින්දාශිලින්ට සමච්චල් කරන්ටත්,සිමා රහිත මිහිරි බවින් පරිස්සම් වන්නටත් ඔහුට උගන්වන්න.

තමන් නිවැරදි යයි හඟින තැන සභා මැද ඒ වෙනුවෙන් මොර ගසන්නටත්,පෙනී සිටින්නටත්,සටන් වදින්නටත් ඔහුට උගන්වන්න.

ඔබට හැකිනම්,උගන්වන්න ඔහුට පොතපතෙහි පුදුම සහගත බව.එනමුත් ඔහුට ඉඩ දෙන්න අහසෙහි සරණ සියොතුන්ගේ , නිල් කඳු මුදුනත පිපි මලෙක සැඟවුණු අභිරහස සොයන්නට.

අන් සියළු දෙනා ඔහු වැරදි යයි කියද්දීත්,තමන්ගේ අදහස් ගැන විශ්වාසය තබා ගන්නට ඔහුට උගන්වන්න.සියළු දෙනා පිරිස් පසුපස හඹා යද්දී එසේ නොකරනු පිණිස මපුතුට ශක්තියක් වන්නට උත්සාහ කරන්න.ඔහුට උගන්වන්න සැමදෙනාටම සවන් දෙන්නට.නමුත් සත්‍යය රාමුව තුළ ඇසෙන දෙයින් හොඳ දේ පමණක් පෙරාගන්නට.

තමන්ගේ දක්ෂකම් හා නුවණ ඉහළම ලංසුවේ තබන නමුත් ,තම හදවත සහ ආත්මය මිල නොකරන්නටත් ඔහුට උගන්වන්න.

නොඉවසිලිමත් වන්නට ධෛර්යයත්,නිර්භීත වන්නට ඉවසීම ත් ඔහුට ලබාගන්නට ඉඩ දෙන්න.

තමන් පිළිබඳ අත්‍යුදාර විශ්වාසය තබාගන්නට ඔහුට උගන්වන්න.එවිට ඔහු සැමවිටම මිනිසුන් කෙරෙහි විශ්වාසවන්ත වනු ඇති.

මෙයයි ක්‍රියා පිළිවෙළ .ගුරුතුමනි,එහෙත් ඔබට හැකි පමණ මෙය සිදුකරන්න.

ඔහු සැබවින්ම ලස්සන පුංචි කොල්ලෙක්වගේම ඔහු මගේ පුතු!

ඒබ්‍රහම් ලින්කන්

ඇමෙරිකන් කල්ලන්ගේ ගැලවුම්කරුවා - ඒබ්‍රහම් ලින්කන් - Abraham Lincoln

ඒබ්‍රහම් ලින්කන් (1809-1865)ඇමෙරිකන් කල්ලන්ගේ ගැලවුම්කරුවා 

ස්ටෙෆාන් ඩග්ලස් (Stephen Douglas) පරදවමින් ඇමෙරිකා එක්සත් ජනපදයේ දහසය වැනි (16.) ජනපතිවරයා බවට; ඒබ්‍රහම් ලින්කන් පත්වුයේ 1861 දී ය.

ඔහු ජනපති වුයේ බෙදුණු රටක ය.ඔහුගේ මැතිවරණ ව්‍යාපාරය එක්සත් ජනපද සිවිල් යුද්ධයේ ගිනි පුපුරක් වැනි විය. දකුණු ප්‍රදේශය (Southern State;Confederated State)පාලනය කළ පුද්ගලයන්ට එකල ජනපදය පුරා දළු ලා වැදුණු "වහල් සේවය"' නැති කිරීමට උවමනාවක් නොතිබිණි.මන්ද යත් වහල් සේවය, වැවිලි කර්මාන්තය මත පදනම් වූ ඇමෙරිකානු ආර්ථිකය තුල විසල් රංගනයකට දායක වීම නිසාය.

වහල් සේවාව තුරන් කිරීම සඳහා මග දෙපස පිළියෙළ වුයේ උත්තර (Northern) ප්‍රදේශයෙනි.ලින්කන් ඊට අවැසි නීතිමය කටයුතු සැකසුවා පමණක් නොව තම මැතිවරණ ව්‍යාපාරයේ තේමා පාඨය කරගත්තේය.

1861 දී ප්‍රජාතන්ත්‍රවාදී පක්ෂ (Democratic) අපේක්ෂකයා වූ ඩග්ලස් සහය දැක්වුයේ "වහල් සේවය තුරන් කරනවද නැද්ද යන්න එක් එක් ප්‍රාන්තයට ස්වාධීනව තීරණය කරගැනීමට ඉඩ දිය යුතුය" යන මතයටය.අනෙක් අතට ලින්කන් කීවේ වහල් සේවය නීතියෙන් සහමුලින්ම,මුළු රටටම බලපාන පරිදි ඉවත් කළ යුතු බවකි.

ඒබ්‍රහම් ලින්කන් 1809 පෙබරවාරි 12 වෙනිදා කෙන්ටකි (Kentucky) හිදී උපත ලද අතර ඔහුගේ දෙසියය (200) වැනි ජන්ම දිනය පසුගිය 2009 වසරේදී සමරන ලද්දේ වත්මන් එක්සත් ජනපද ජනපති බරක් ඔබාමා ගේ අනුග්‍රහය යටතේය.

විශේෂිතම කරුණු ලෙස සඳහන් කළ හැක්කේ ලින්කන් ඇමෙරිකාවේ ප්‍රධාන කොළණි දහතුනෙ (13)න් පිටත ප්‍රදේශයකින් බිහිවුන ප්‍රථම ජනාධිපතිවරයා වීමත් ඔහු උපත ලද දිනම ශ්‍රේෂ්ඨ ජීව විදුවර 'චාර්ල්ස් ඩාර්වින් (Charles Darwin)  ද එංගලන්තයේදී උපත ලැබීම යි.

ලින්කන් උගත් පුද්ගලයෙකු වුවද ඔහුගේ දෙමාපියෝ අකුරු උගත්තෝ නොවූ හා.ඔහු පසුව ප්‍රකාශ කළේ තමන්ට උවමනා වුයේ 'සීමා මායිම් නොදන්නා පුංචි යන්ත්‍රයක් වීම" බවය. (A little machine who knew no bounds) ඔහු නීතිවේදියෙකු හා දේශපාලකයෙකු ලෙස ඉතා වෙහෙස මහන්සි වී වැඩ කළේය.

වින්දනාත්මක කරුණක් ලෙස ලින්කන් ගැන කතා කළ හැක්කේ අරුමැසි යටි රැවුලක් සහිත පළමු ඇමෙරිකන් ජනාධිපති ඔහු වූ අතර එක්සත් ජනපදයෙන් බිහිවූ සිරුරෙන් උසම ජනාධිපතිවරයා ද ඔහු බව ය.
තවත් මතක තබා ගත යුතු කරුණක් වන්නේ;බෝට්ටු ඔසවා තබන උපකරණයක් සඳහා පේටන්ට් බලපත්‍රයක් (Patent for a device for lifting boats over shoals) ඔහුට හිමිවූ බවත්,පේටන්ට් බලපත්‍ර ධාරි එකම එක්සත් ජනපද ජනාධිපති , ඔහු වීම ත් ය.

ලින්කන්ගේ පදවි ප්‍රාප්තියෙන් දින තිස්නවයක් (39) ගිය තැන, එක්සත් ජනපදයේ සිවිල් යුද්ධය ඇරඹි සය ලක්ෂයකට (600,000) අධික පිරිසක් දිවි දුන් අතර සමස්ත ජනපදයෙන්ම වහල් සේවය තුරන් කළ යුතු යැයි ලින්කන් සිටි මතයේම නොසැලී සිටිය දීම 1865 මහා සිකුරාදා දිනෙක ලින්කන්ව වෙඩි තබා ඝාතනය කෙරිණි.සති හයක (06) ඇවෑමෙන් දක්ෂිණ ප්‍රාන්තයන් තම අදහස් අත් හැර දැමිය. සිවිල් යුද්ධය නිමාවට පත් විය.

ලින්කන් ඝාතනය 

1860 මැයි මස 08 වෙනිදා ලින්කන් ජනපති ලෙස නම් කළ දා චිකාගෝ වේ Maverick Theater හිදී රඟ දැක්වුණු නාට්‍යය වූ "OUR AMERICAN COUSIN"' නරඹමින් සිටියදීම 1865 අප්‍රේල් 15 වෙනි දා වොෂින්ටන් ඩි.සි. හි Ford Theater හිදී Booth විසින් ලින්කන් ව වෙඩි තබා මරා දැම්මේය.

ඒබ්‍රහම් ලින්කන් ජිවන තතු

• උපත : 1809 පෙබරවාරි 12
• විපත : 1865 අප්‍රේල් 15 (වයස අවුරුදු 56)
• ජාතිය :ඇමෙරිකානු
• දේශපාලන පක්ෂ : Whig (1832-1854), Republican (1854-1864), National Union (1864-1865)
• බිරිඳ : Mary Todd Lincoln
• දරුවන් : Robert, Edward, Willie,Tad
• රැකියාව : නීතිවේදී

හිත-වත

කෙනෙකු පැවසුවොත් සංකල්පයක් "ශ්‍රේෂ්ඨ ඇමෙරිකන් ජනපති" නමින් ඔහු ය "ඒබ්‍රහම් ලින්කන්'.
නීතිවේදියෙකු,දේශපාලන චින්තකයෙකු,නීති සම්පාදකයෙකු එමතු ද නොව මහත් අභිරුචියෙන් පොත් කියවන්නෙකුද වුයේ..මනස සංවර්ධනය සඳහා ඔහුගේ ඇති කැමැත්ත ප්‍රකට කරවමිනි.

ඇෆ්රෝ-ඇමෙරිකන් කළු වහලුන්ට නිදහසේ නිවේදනය නිකුත් කළ සිවිල් අයිතිය පිටුපස සිටි විශිෂ්ඨ දේශපාලකයා ඔහු විය.ඔහු දුටු සිහිනයේ සැබෑ පල නෙලා ගත් දෙදෙනෙකි. ඒ මාටින් ලුතර් කිං සහ 2008 දී ජනපති ධුරයට පත්වූ ඇෆ්රෝ-ඇමෙරිකන් බරක් ඔබාමා ය.

ඔහු විශ්වාස කළේ එය සහමුලින්ම "කල්ලන්ගේ නිදහස' මිස අන් යමක් නොවිය යුතු බවයි.මේ කරුණ සම්බන්ධව ඔහුගේ ඒකායන මතය ඉමහත් උත්කෘෂ්ට වූ අතර,එය එක්සත් ජනපදයේ "උතුර-දකුණ" පුරා ගිගුම් දෙන සිතුවිල්ලක් වන වග ලින්කන් විශ්වාස කළේය.

තමන්ගේ "නිල ප්‍රතිෂ්ඨාපනය"(Inauguration) සේයා රූ ගත කළ පළමු ඇමෙරිකානු ජනපතිවරයා ද වූ ලින්කන්ගේ ඝාතකයා වන John Wilkes Booth ද එම සේයාරුවේ පසෙක දැකගන්නට ලැබීම දෛවයේ සරදමක් වැන්න..සිනමාවේ වැඩියෙන්ම පෙනී සිටි මේ ජනපතිවරයා ඝාතනයට ලක් කලේද නළුවෙකු විසිනි.